الوظائف الجديده للمواطنين في قطاع الضيافه و التجزئه

السلام عليكم ورحمه الله و بركاته

مرحبا جميعا... عندي لكم وظائف شاغره في قطاع الضيافه و البيع يعني العمل في الفنادق الخمس نجوم و المولات الكبيره في محلاتها الراقيه.و طبعا هذه مبادره للمواطنين من الشيخ محمدبن راشد حاكم دبي بالتعاون مع اداره التنميه البشريه و الكوادر الوطنيه و اكاديميه الامارات لاداره الضيافه .

من الفنادق:مجموعه فنادق جميرا مثل برج العرب و ابراج الامارات و جميرا بيتش و باب الشمس و غيره. فندق شنغريلا,شيراتون,كيمبنسكي,و قريبا فندق اطلنتس في النخله جميرا.................

و من المحلات :وجوه للمكياج, جيوردانو ,هارفي نكلز في امارات مول و غيره من الفروع,جمبو للالكترونيات,وشركات بيع السيارات و محلات العطور الكبيره و غيرها

طبعا انتوا الحين اكييييد تروحون المولات و تشوفون مواطنين و مواطنات يداومون في محلات و هاي الشغله مش عيب لان نحن نشتغل حق بلادنا و كل مواطن يكون سفير لدولته الحبيبه و نحن دولتنا الامارات العربيه المتحده

و بغيت اخبركم ان تقدرون تشتغلون في اي منطقه من مناطق الدوله اذا الفندف او المحل له فرع في المنطقه و اوقات الدوام 9 ساعات اوقات مختلفه..........و الوظائف ما تكون بس في المجال تكون بعد في الاداره مثل الموارد البشريه ,الامن,العمليات,الحجوزات,المبيعات و غير من المكاتب الموجوده في اي شركه من الشركات

طبعا المميزات هي راتب قابل للزياده يبتدي من 6000 درهم و فتره و في تدريب لمده شهرين في اكاديميه الامارات في اداره الضيافه و التدريب بيكون في المكان اللي بتشتغل فيه اسبوع و في الاكاديميه اسبوع و يعلمونكم كيفيه العمل في هذا المجالين الجداد على المواطنين.

العنواااااااااااان::: اكاديميه الامارات لاداره الضيافه

هاتف : 3155555 4 00971

و اللي يبي اي مساعده انا بكون في خدمتكم

بااااااااااااااااااااااااااااااااااااااي

سلمت يداج على الطرح الجميل حبوبه وانشالله الاعضااء يستفيدون من هالوظايف والا ماشتغل يروح يقدم وصح كلامج هالوظيفه مب عيب بالعكس هذي خدمه وتضحيه للوطن والله العيب الواحد او الوحده الي يكونون عاطلين باطلين عن العمل
وشكرا مره اخرى عزيزتي

مشكووووووره اختي ع موضووعج ..

ويعطيج الف عافيه

سلمت يداك على الطرح الجميل

انتظر جديدنا

تحياتي

لبانوه