بالهداوه يادوا المشتاق خذني بلهداوه ... لايزيد بك الدلع حتي حدود العنجهيه
لاتخلي بين طرفي والمنام أكبر عداوه ... ياجمال أهل البداوه والضفاف الساحليه
إحمرار الوجنتين وخد تضفيه النقاوه ... مثل مابدر كمل تحت العيون الساحريه
بين عين والحلا في غيرك ستار وغشاوه ... مالغيرك في عيوني ياعيوني جاذبيه
كل هاا الكون والعالم بلا شوفك فضاوه ... والحروف ألي بلا أسمك مانسميها أبجديه
شوفني ضايق وجرحي منك لاتنساه داوه ... قبل مايكون الخفوق فـ حبك الطاغي ضحيه
يوم أنادي لك بصمت الحب بوجود الخلاوه ... قلبي الم**ور من طول الجفا يفرض عليه
يامشقيني معك ليت نتقاسم ها الشقاوه ... لين تعرف ماجري وتحس بالاحساس فيه
ياحبيبي ** ياغرامي ** ياضنيني ** ياغناوه ... لاتخليني بقايا أنسان ومشاعر خليه
دام فيك العطف واحساس الرخا خل القساوه ... لاتتخيرني مابين البعد أو حوض المنيه
أطوي صفحات العتب وافتح معي صفحة صفاوه ... ياغلا (أحمد ) دمت لاحمد دام هالدنيا مديه
بالهداوه .. يابعد عمري عليه بالهداوه ... مد لي كفك وصال .. وخذ معك روحي هديه
